Historie

Wie is Comsi Comsa tot stand gekoume?


’t Idee speulde al langer beij initiatiefnummer John Wijnands, um neeve zien actiiteite es zanger bij 'ne aandere zanggroep ’n eige greupke op te riechte. In Juni/Juli 2011 heet heer de kogel door de kerk gejaog en ’n aontal leuj benaderd boevaan heer dach tot ze wel interesse zowwe kinne höbbe um dit idee leeve in te blooze.


En allebonheur, vaan ’t ein kaom ’t aander en de ierste vergadering woort belag met 6 meugelike leede. Oeteindelijk is ’t greupke vaan start gegaange met 3 mansluij en 1 vrow.
De start waors n feit en de naome vaan de leede waore inmiddels aoch bekind gemaak.
Linda Mater, Jo Coolen, Peter Tomissen en oondergeteikende John Wijnands. Linda en Peter hadde ouch al zangervaring en Jo maakte z’n debuut in ’t artieste wereldje vaan Mestreech en umstreeke.


De naom laog get lestiger. Noa lang zeuke hobbe veer oet ’n lies vaan mie es 60 naome en met insjakeling vaan ’t radioprogramm “Eus Mestreech” vaan Iwan en Edwin Bruijnzeel op Radio Mestreech oeteindelik ‘ne naom weete te vinde naomelik “Comsi Comsa”
’t Idee vaan t repertoire woars um up-tempo meziek te goon maake en ’t ierste jaor te focusse op de vastelaovend 2011/2012. Zoe gezag zoe gedoon en de ierste 4 leedsjes waore met daank aon ’n aontal luij al snel in de maak.


Met daank aon ’n gooj gif vaan ‘ne sponsor kooste veer al snel ’n aontal arrangeminte en kleijaasj aonsjaffe en woort op zeuk gegaange naor meugelikke optreijes. Dit lökte al vrij snel en zoe stoond us ierste optreije gepland in Eckelraoj. En vaan ’t ein kaom ’t aander………


Veer hoope de luikes binne Mestreech, mer zeker aoch daorboete met us enthousiasme hiel vaol plezeer en ammezasie te kinne bringe.

Woort geteikend, d’n 24ste vaan d’n 10e, twiedoezend en elf